ŞANIKÊ CENIYA
19 Nîsan 2011 Sêşem
“Ez îndî wazen îta ra biremî şorî. Şorî hama kotî beno bibo”
Ardil Mordem
Fadi Çê îna taxa cerî ra şîbî taxa corî. Corê dewide cîyê ke berzdibî. Ti waxto amênê verê çeverî kulî dewi kewtênê binê linganê to. Çê bi beton viraştîbî. Verê nê çê, baraka ki halerzdi vîraştîbî ayidi nîştênê ro. Pîyê aye xo bi xo viraştîbî no çê. Çê yê ki jû kat, balkona ki xoya dergê bîyê. Tayê cerê çê di gomi bî. Malê xo kerdênê nê gomî. Corê gomî, jû dara sayê bîyê. Dormê dari bi sincî guretîbî. Dari hona girsnêbîbî. Newe bîyênê kêwi. A taxi zedêyê xo mordemê jûmînbî. Piranî birayê jûmînbî. Kulî zewecîyaybi. Cûya bîbî. Xorê çê viraştîbî.
Pîyê Fadi di dolimî zewecîyaybî. Cenî ya xo ya virendên o ki zewecîyaybî o caverdabî şîbî. O kî jû çenêka azebira zewecîyaybî. Emrê ê çenêkira zaf girsbî. Cenî ya ê ya virindenira domanê ê nêbîbî. Çoka defêna zewecîyaybî. Na dolimê kî lacê xo nêbîyênê. Maya Fadi serhev ponc çenê ardîbî. Pênîyedi jû lac anîbî. No lac to vatênê qey lacê xizirîyo. Hîn ser lerzênê. O lac bî û teynabî. Qaşo vatênê domanî domanê kulîya heq dano. Lê domanê lacî cuyabî. Ê lacîbî. Îna toximê îna bidênê berdewamkirinê. Çênê çikibî ma? Ê çixa rindbêkî, laca zaftir wayîrê îna vecîyêkî oncîyakî cîyê laca nêguretênê. Lacî toximbî.
Fadi çêna çê ê pîli bî. Mektebê virindîyê wendîbî. Îndî nêwendîbî. Fadi waştênê biwano. Lê derfet çînîbî Fadi biwano. Sinavê mektebê yatilî qezenc nêkerdîbî. Pîyê aye kî zonê bîn derfet nêkerdîbî ra. Fadi çenaka ke bakil bîyê. Zaf waştênê biwano. Zê ma û pîyê xo mebo. Lê nika qedera Fadi bîbîyênê zê qedera maya aye. Zê cenîyanê uca. A kî bidênê merdî. Hêşt des domanî bîyarênê. Wertê feqîrîyê di biqedîyênê emrê aye. Êşk, heskerden înara çi vatîbî. Nê qesê lewê pîyê aye de çînîbî. Mezgê ê de tenê perê bî. Waştênê çena xo bido jûyê dewlemend.
Fadi karê şodîrî qedeno. Verê çeverîdi nîştaro, a û dereçena xo kesêkenê.
-Ti zana Sonê pîyêmi wazeno mi bido mêrdi. Ez nêwazên jûyo ki cira hesnêken, berde heskerdene ez nas nêken. Se pêra bizewicî?
-Ma ti xexa pêra bizewucê. Pîyê to şoro xorê vaco. Ti vace nê o nîşkîno çîyê bikero. O nîşkîno to bi dari bido.
-Ti pîyê mi nasnêkêna. O vaco çi, o beno çê ma de. Kes nîşkîno ê ra çîyê vaco. Defê çîyê bikero sarê xo defêna nêvano nê. Kesîkî nîşkîno ê rayê ra veco. Hard vano asmen vano bîya xo keno. Ti nêvînena maya mina feqîrê destê ê ra çi oncena. A bîni kî vanê no lacek pîyê xo zaf zengîno. Pîyêmi perara zaf heskeno. Perê royê ê yê. O nê fersendî destê xo ra nêremneno. Ez nêçara qebul kerî. Hem to qaytkerd mi rê kî rind bo. Ez îndî canê xora bîya. Ez îndî wazen îta ra biremî şorî. Şorî hama kotî beno bibo.
-Ti wazena şîlîyêra biremê lê torgi to bicero. Ti zaf poşmanbê. Qe mebo tayê nasbike. Ka hela jûyo senêno. Rindo xirabo?
-Mi heşno ez zan qe rindek nîyo. Jûyo seqeto. Zaf bê şoreto.
-Rindekîyê berze ka hela rindo ya nerindo?
-Ez ê nizan.
Poncşemo. Ewro roca gîrînga. O bero Fadi bîvîno. Fadê kî ê bîvîno. Na senê dîna wa tenê defêkî bivîno pêra bizewuco. Ti jûkekî defê bivînê pera bizewicê çîyê ki senêno. Ti emrê xo ê ra derbaskena. Werti di heskerdeni, êşk çînibo ti se pîya emrê xo derbaskena. Çê înadi jû teşqalawa ki xo gureto şona. Ne tenê çê înadi dewi kulî kewta teşqela. Na dewi henên bîyê. Kulî bîyênî pîya heşnênê. Merdênidi kî hînbî. Kêfweşîyede kî hînbî.
Fadi kewta zerre hevya înawa. Merax kena. Jû yo senêno.Cuyêna xo ya ke tezi destpêkero ê fikirena. Vana ka ez qaytkerî talê mi hona mirê çi nivisno? Çi bêro sarêmi çi mêro? Ayê kî heskerdîbî jû xortîra. Zerî kerdîbî jû xortî. Nika kî jû yo ki qe nasnêkena ê ra şoro, zerê xo deceno. Ti vana qey zerê aye adir gureto aye vêşneno.
Pênîyêdi amay Fadi bê heni, bê govendi, ze cenîya vîyayê kerdi zerê maşîne berde. Pê çen asma xeberê amê ki merik dano Fadi ra. Serê kî derbasbîyê Fadi bîyê wayîrê derguşê kî. Fadi îndî nîşkîna caverdo. Pîyê Fadi vano tawo nêbeno. Merdê ayo danopirokî cira heskênokî. Pirodan raşto, lê heskerdeni çîna heta pênîya emrê ayi pirodenê bena sîya Fadi aye qe canêverdana. Fadi rastî kî şîlîyê ra rema torgi aye gureta.
Warning: Trying to access array offset on value of type bool in /home/komunar/public_html/ku/includes/reklamlar.php on line 37
Warning: Trying to access array offset on value of type bool in /home/komunar/public_html/ku/includes/reklamlar.php on line 38
Warning: Trying to access array offset on value of type bool in /home/komunar/public_html/ku/includes/reklamlar.php on line 39
Warning: Trying to access array offset on value of type bool in /home/komunar/public_html/ku/includes/reklamlar.php on line 40
Warning: Trying to access array offset on value of type bool in /home/komunar/public_html/ku/includes/reklamlar.php on line 41
Warning: Trying to access array offset on value of type bool in /home/komunar/public_html/ku/includes/reklamlar.php on line 42
Warning: Trying to access array offset on value of type bool in /home/komunar/public_html/ku/includes/reklamlar.php on line 37
Warning: Trying to access array offset on value of type bool in /home/komunar/public_html/ku/includes/reklamlar.php on line 38
Warning: Trying to access array offset on value of type bool in /home/komunar/public_html/ku/includes/reklamlar.php on line 39
Warning: Trying to access array offset on value of type bool in /home/komunar/public_html/ku/includes/reklamlar.php on line 40
Warning: Trying to access array offset on value of type bool in /home/komunar/public_html/ku/includes/reklamlar.php on line 41
Warning: Trying to access array offset on value of type bool in /home/komunar/public_html/ku/includes/reklamlar.php on line 42
Warning: Trying to access array offset on value of type bool in /home/komunar/public_html/ku/includes/reklamlar.php on line 37
Warning: Trying to access array offset on value of type bool in /home/komunar/public_html/ku/includes/reklamlar.php on line 38
Warning: Trying to access array offset on value of type bool in /home/komunar/public_html/ku/includes/reklamlar.php on line 39
Warning: Trying to access array offset on value of type bool in /home/komunar/public_html/ku/includes/reklamlar.php on line 40
Warning: Trying to access array offset on value of type bool in /home/komunar/public_html/ku/includes/reklamlar.php on line 41
Warning: Trying to access array offset on value of type bool in /home/komunar/public_html/ku/includes/reklamlar.php on line 42